“Шинэ Зууны Гүүр” боловсролын агентлаг нь 2008 оны 1-р сарын 30-нд байгуулагдсан бөгөөд 16 жилийн туршлагатай, 18 улсын 100+ нэр хүндтэй сургуулийн албан ёсны төлөөлөгчөөр ажиллаж байна. Бид Монголын оюутан, сурагчдыг дэлхийн боловсролын шилдэг боломжуудтай холбох эрхэм зорилготой.
Өнгөрсөн хугацаанд бид 5000 гаруй оюутныг гадаадад амжилттай суралцуулахад тусалж, боловсролын салбарт баттай байр суурь эзэлсэн. Манай үйлчилгээ нь гадаадын дунд, ахлах сургууль, их дээд сургуульд элсэлт, хэлний сургалт, орчуулга, визний зөвлөгөө зэргийг багтаадаг. Бидний хичээл зүтгэлээр “Тэргүүний боловсролын төв” өргөмжлөлийг хүртсэн.
Би ОХУ-д инженер мэргэжлээр 6 жил, Японы Хоккайдо их сургуульд магистр, докторын зэрэг хамгаалсан туршлагатай. Энэ нь боловсролын үнэ цэнийг гүнзгий ойлгоход тусалж, агентлагийн суурийг тавьсан.
Цаашид бид дэлхийн боловсролын байгууллагуудтай хамтын ажиллагаагаа өргөжүүлж, залууст шинэ боломжуудыг нээхээр зорьж байна. Шинэ Зууны Гүүр бол зөвхөн боловсролын агентлаг биш, харин Монгол залуусын мөрөөдлийг биелүүлэх замнал юм.
